Кыргызстанда төрөлгөн Германиянын жараны Донбасста согушканы үчүн соттолду
Кыргызстанда төрөлгөн Германиянын жараны Украинанын чыгышында оурсиячыл жикчилдердин катарында согушканы үчүн шарттуу соттолду.
Дортмун шаарынын соту 43 жаштагы Д.Алексти «мамлекеттик коопсуздукка коркунуч жараткан» деп тапты.
Ал өзү да Украинанын чыгышында орусиялык күчтөрдүн катарында эки жыл согушканын моюнуна алып, Донбасстын аймагындагы ооруканаларды кайтарганын айткан.
Алекс Германияга жикчилдерден көңүлү калгандан кийин кайтып келгенин билдирген.
Бул - Чыгыш Украинадагы жаңжалдарга аралашканы айтылган адамдарга байланышкан Германиядагы экинчи соттук жараян.
Февралда Мюнхенде Германиянын жараны Сергей Киселев Украинанын чыгышында орусиячыл жикчилдердин катарында согушканы үчүн 2,5 жылга соттолгон.