Зардалы: аска боорундагы жалгыз жол
Баткен облусунун борборунан Зардалы айылына чейин 130 чакырым жол жүрүү керек. Зардалыга эки жол барат. Бири - бийик тоолорду аралап өткөн машине жолу. Ал үч-төрт ай гана ачык болот. Анүстүнө жол кире кымбат. Айылдан Баткенге бара турган киши 500 сом төлөшү керек. Ушундан улам Зардалынын жашоочулары көбүнчө жар бойлоп кеткен жалгыз аяк жол менен каттоого аргасыз. Бул жолдо жүктү эшек менен гана алып өтүүгө болот.