Туристтик милиция чөгүп бараткан адамды куткарып калды
Каракол шаарынын четиндеги көл жээгинде эс алып жаткандардын бири чөгүп баратканын байкаган туристтик милициянын кызматкерлери дароо сууга секирип, жаш жигитти куткарып калган.
Суудан чыгаргандан кийин ага туристтик милиция биринчи медициналык жардам көрсөткөн. Окуя бүгүн, 25-июлда 15:00 чамасында Каракол шаарынан анча алыс эмес Пристань шаарчасынын көл жээгинде болгон.
Ысык-Көлдө быйыл жайкы эс алуу мезгилинде чет мамлекеттерден келген эс алуучулардын коопсуздугун камсыз кылууга туристтик милиция кызматкерлери тартылган. (KS)