Эмилбек Узакбаев: Өткөндөн сабак алыш керек
Жогорку Кеңештин мурдагы депутаты, мурдагы вице-премьер-министр, Нарын облусунун мурдагы губернатору, мурдагы айыл чарба министри жана элчилик сыяктуу бир топ жогорку мамлекеттик кызматтарды ээлеп келген Эмилбек Узакбаев 90-жылдардын ортосундагы бийлик номенклатурасынын сырлары менен бөлүштү. Ал 1995-жылдагы президенттик шайлоодо ошол кездеги президент болуп турган Аскар Акаев коммунисттердин жол башчысы, партиянын борбордук комитетинин мурдагы биринчи катчысы Абсамат Масалиевден кантип уттуруп, бирок шайлоону бурмалоо аркылуу анын жеңиши кандайча кайра камсыздалган жагдай тууралуу айтып берди. Мындан сырткары ал ошол кездеги жетекчилер мурдагы президенттин жубайы Майрам Акаева негиздеген «Мээрим» фондуна көмөк көрсөтүүгө кандайча милдеттүү болгон учурлар тууралуу сыр бөлүштү.