Лейлекте сел жүрдү (видео)
Баткен облусуна караштуу Лейлек районунун аймагында 2-май күнү кечке жуук жааган нөшөрлүү жаандан улам Кара- Булак, Тогуз-Булак айыл аймактарында жана Исфана шаарында сел жүрдү.
Натыйжада шаардын Восточная көчөсүнүн боюндагы турак үйлөрдүн короолорун, жер төлөлөрдү суу каптагандыгы кабарланды. Райондук акимчиликтен "Азаттыктын" кабарчысы алган маалыматка караганда учурда кырсык алып келген чыгымдар эсептелип жатат.
Өзгөчө кырдаалдар министрлигинин маалымат кызматы министрдин орун басары Равшан Рысбаев жетектеген ыкчам топ Лейлек районуна жөнөп кеткенин кабарлады. (JsA)