Жумушсуздук: иш орундар бар, иштегендер жокпу?
Жакында президент Садыр Жапаров жаңы жумуш орундары ачылганы менен ал жерлерде иштөөнү каалагандар аз болуп жатканын айтты. Ошол эле маалда өлкөдө каттоого турган 75 миңдей жумушсуз адам бар. Эмгек рыногундагы жагдай, экономикадагы абал жана жумушсуздук маселесин бүгүн сөз кылабыз. Талкуубузга Эмгек, социалдык камсыздоо жана миграция министринин орун басары Нурдөөлөт Базарбаев, Жеңил өнөр-жай ишканалары - "Легпром" ассоциациясынын төрагасы Сапарбек Асанов жана Соода-өнөр жай палатасынын курулуш комитетинин төрагасы, “Эмарк групп” компаниясынын негиздөөчүсү Чолпонбек Акматов катышууда.