Чукул кабар: тоо этектериндеги аймактарда сел жүрүшү мүмкүн
Өзгөчө кырдаалдар министрлиги аба ырайыга байланыштуу чукул кабар таратты.
Анда 20-22-июль күндөрү нөшөрлөп жааган жаандан улам тоолуу жана тоо этектериндеги аймактарда сел жүрүшү мүмкүн экенин эскертти.
Өткөн айда нөшөрлөп жааган жаандан улам Баткен районунун Суу-Башы жана Кыштут айыл өкмөттөрүнүн аймагын сел каптаган жана өзгөчө кырдаал жарыяланган.
Көп өтпөй Жалал-Абаддын Тогуз-Торо районунда дарыядагы суунун деңгээли жогорулап, коркунуч жаралганынан улам өзгөчө кырдаал киргизилген.
Андан кийин сел каптаган Алай районунун Белекбаев айыл өкмөтүндө өзгөчө кырдаал жарыяланган.