Заев: Се надевам на договор утре

„Веројатно мојот оптимизам за договор за решение на спорот ќе се оствари, но конечно ќе биде, тогаш кога ќе биде конечно се, а јас се надевам дека тоа ќе биде утре,“ изјави вечерва премиерот Зоран Заев во емисијата Топ тема на ваша страна, на телевизија Телма.


Заев не откри повеќе детали околу можниот договор, поради како што рече принципиелниот однос кон другата страна, но истакна дека желба за решение има од двете страни.


„Наша конечна цел е да дојдеме до фер договор, кој ќе биде заснован на факти и кој ќе не стави на заедничка маса со западноевропските земји“, изјави Заев.


Премиерот го потврди веќе познатиот став дека без решение на спорот за името нема членство во НАТО и ЕУ. Тој повтори дека по евентуалниот договор за кој ќе се согласат двајцата премиери на Македонија и Грција, ќе следи процес на информирање на сите политички чинители во земјата, а чекорите на имплементација на договорот ќе бидат координирани заедно со грчката страна.