Новости за 16.06.2018

Според најавите, договорот за името ќе биде потпишан во Псарадес во Грција на брегот на Преспанското Езеро. По потпишувањето следуваат изјави, а потоа двете делегации се префрлаат на македонската страна од границата, во Отешево, каде што е предвидена официјална средба на премиерите Зоран Заев и Алексис Ципрас, на двете делегации и заеднички ручек.

Грчкиот парламент ја отфрли иницијативата на опозициската Нова демократија за недоверба на владата на премиерот Алексис Ципрас. Од вкупно 300 пратеници, 127 гласаа за и 153 против. Во фокусот на расправата на пратениците беше договорот меѓу Грција и Македонија за решавање на спорот за името.

Шефот на грчката дипломатија Никос Коѕијас за време на расправата за гласање недоверба на владата во своето обраќање пред Парламентот порача дека договорот за името е патриотски и помага да се концентрираат силите каде што има проблем. Коѕијас објасни дека направен е компромис во решението, бидејќи „само ако победиш во војна, тогаш има договор без компромис“. Тој рече и дека добил дозвола да бидат искористени документите од досегашните преговори за името. Според него, сите имиња освен Северна Македонија... Читать дальше...

Протестите пред Собранието во Скопје против договорот за решавање на проблемот за името меѓу Македонија и Грција продолжија и денеска. Демонстрантите бараат оставка од Владата и да не се одржи референдум за името. Протестите се во пресрет на утрешното потпишување на договорот во Грција во Псарадес. Договорот ќе го потпишат министрите за надворешни работи на двете земји, Никола Димитров и Никос Коѕијас, а ќе присуствуаат и премиерите Зоран Заев и Алексис Ципрас. По церемонијата делагициите од Македонија... Читать дальше...

„Конечно се најдоа двајца лидери со малку мозок во нивните глави за да стават конечен крај на спорот“, рече портпаролот на грчката влада и министер без ресор Димитрис Ѕанакопулос во говорот за време на расправата во грчкиот парламент. Според него, со договорот, се затвора векот на големи идеи, на национализми, на екстремизми и ескалации. Во однос на ставовите на опозициите во двете земји, тој порача дека доколку се споредат изјавите на ВМРО-ДПМНЕ и Нова демократија, тие се идентични.

Поранешниот грчки премиер Андонис Самарас денеска во своето обраќање во Парламентот порача дека со договорот за името премиерот Алексис Ципрас, провремено го затворил, но не го решил прашањето. Самарас смета дека решението или нема да издржи низ времето или ќе предизвика експлозии и нема да го стабилизира регионот. „Овој договор, да запаметите, или нема да издржи или ќе предизвика експлозии. И Грција ќе се најде во полоши позиции. Единствено што постигнува е што го отвора патот за интеграција на Скопје во НАТО... Читать дальше...

Од Владата денеска соопштија дека министрите за надворешни работи на Македонија и Грција, Никола Димитров и Никос Коѕијас утре во Псарадес во Грција ќе го потпишат конечниот договор за решавање на спорот за името и за стратегиско партнерство меѓу двете земји. Церемонијата е предвидено да започне во 10 и 40 часот по локално време. На настанот ќе присуствуваат и ќе имаат свое обраќање премиерите на двете земји, Зоран Заев и Алексис Ципрас. Заедничкиот ручек и средба на делегациите на Македонија и на Грција... Читать дальше...

Под мотото „Струмица и Струмичко против рудникот на смртта“ денеска се одржа протестен марш против отворањето на рудникот за бакар и злато „Иловица-Штука“. Учесниците на маршот тврдат дека нема да дозволат отворање на рудник бидејќи тоа ќе влијае на нарушување на целокупната еко рамнотежа во Струмичкиот регион. По завршувањето на протестниот марш со реакција се огласија од компанијата „Еуромакс ресоурсис“ која е концесионер на рудникот. Оттаму соопштија дека рудникот за бакар и злато е целосно... Читать дальше...

Од ВМРО-ДПМНЕ повикаа на протести утре попладне во Битола против договорот меѓу Македонија и Грција за спорот за името и погрешните политики на Владата. Протестот е предвидено да започне во 13.30 часот, а собирното место е пред спортската сала во Битола, ќе продолжи низ Широк Сокак се до споменикот на Гоце Делчев пред Домот на културата. Централниот комитет на ВМРО-ДПМНЕ, како што соопштуваат, изградил став дека се работи за исклучително штетен договор, кој е во апсолутна спротивност со државните и националните интереси на Македонија. Читать дальше...

Министерот за надворешни работи Никола Димитров изјави дека утре е историски ден за Македонија, со кој се отвора иднината и е еден голем чекор во насока на затворање на прашање, што е отворено колку што е стара независноста на земјата. „Имаме сили што се борат за напред, за иднината, имаме сили што се борат за назад, за минатото. Минатото не можеме да го смениме, иднината можеме. Мислам дека тоа е многу голем чин, на некој начин бевме охрабрени од Договорот за пријателство со Бугарија. Ова е нашето... Читать дальше...

Американскиот амбасадор Џес Бејли за време на неговото обраќање при промовирањето на новата генерација на апсолвенти на Универзитетот на Југоисточна Европа во Тетово порача дека е оптимист за иднината на Македонија. „Ова е нов почеток за Универзитетот бидејќи професор Абдулменаф Беџети ќе ја преземе функцијата ректор, а професорот Замир Дика ќе започне нова фаза во својата истакната кариера. Општо земено тоа е момент на нови почетоци за Република Македонија бидејќи премиерите Заев и Ципрас ќе се... Читать дальше...

Шефицата на бугарската дипломатија Екатерина Захариева денеска за време на посетата на Скопје изрази увереност дека по потпишувањето на договорот за името, Македонија ќе може да отпочне преговори за членство во ЕУ, а потоа да добие и покана за влез во НАТО. „Бугарија сака Македонија на крајот на месецот конечно да почне преговори за членство во ЕУ. Навистина повеќе нема време и ја сум уверена дека по потпишувањето на договорот меѓу Република Македонија и Република Грција утре од страна на двајцата министри за надворешни работи... Читать дальше...

Нов протест под мотото „Состанок со историјата“, во организација на „Комитетот за одбрана на грчкиот карактер на Македонија“ ќе се одржи денеска пред грчкиот Парламент. Организаторите ја повикуваат „цела Грција на Синтагма“ и порачуваат: Ако не сега, кога? Ако не ние, кои? Во меѓувреме во грчкиот Парламент се расправа за барањето на Нова Демократија за гласање на недоверба наВладата, а договорот со Македонија е во фокусот на обраќањата на пратениците.

Американскиот Стејт Департмент предупредува на терористички напади за време на светското фудбалско првенство кое се одржува во Русија, но не посочува некоја конкретна закана. Во предупредување до патниците издадено доцна синоќа Стејт Департментот ги повикува американските граѓани да го преиспитаат патувањето во Русија поради заканата од тероризам како и вознемирување и изнудување од страна на руските власти.    „Големите меѓународни настани како светското првенство претставуваат атрактивна цел за терористите. Читать дальше...

Од СДСМ денеска соопштија дека ВМРО-ДПМНЕ треба да покаже зрелост и одговорност и да го поддржи договорот за името, кој според партијата, е во согласност со државните и националните интереси и со кој се става крај на 25 годишниот спор што ја туркал Македонија надолу. „Договорот ниту е штетен ниту пак е удар врз правото на самоопределување како што лажно тврди ВМРО-ДПМНЕ. Сосема спротивно, договорот го гарантира и го зајакнува македонскиот идентитет и никој повеќе нема да го оспорува или негира. Читать дальше...

Лидерот на Независни Грци и министер за одбрана Панос Каменос на Твитер најави поддршка за грчката Влада во пресрет на гласањето недоверба, но и порака против договорот со Македонија за името. „За да ставиме крај на пропагандата за Македонија. Се гласа за крај на меморандумите и борбата против корупцијата. Никаков договор не е во сила, дури и да се потпише, ако не се ратификува, како што пишува во последниот член. Независни Грци, се обврзува да не се ратификува, напиша Каменос на Твитер.

Американски медиуми тврдат дека САД се подготвени да се откажат од Советот за човекови права на ОН поради тоа што сметаат оти организацијата е против Израел. САД се жалеа оти Израел е единствената земја во светот за која се расправа на секоја седница на советот, при што дипломати и Вашингтон се откажале од обидите да прекине таквата пракса. Никогаш во 12 годишната пракса на Советот за човекови права кој има задача да ги истражува злоупотребите и прекршувањата на човековите права една членка доброволно не ја напуштила организацијата. Читать дальше...

Грчки медиуми повикувајќи се на владини извори јавија дека по наредба на министерот за надворешни работи Никос Коѕијас, околу 30 доверливи документи поврзани со преговорите за името ќе се декласифицираат. Коѕијас, според медиумите, денеска ќе ги објави документите на расправата во Парламентот. За информацијата не постои официјална потврда, а според натписите, станува збор за документи кои откриваат како преговарале претходните грчки влади, на што се согласиле и што предложиле. Во грчкиот Парламент... Читать дальше...

Европската народна партија (ЕПП) ги повика сите страни вклучени во процесот за името да покажат конструктивност. „Го поздравуваме договорот постигнат помеѓу двете влади во Атина и Скопје, кој работи на изнаоѓање решение за долгогодишниот билатерален спор“, се наведува во соопштението. Партијата изразува надеж дека процесот на имплементација ќе се одвива без пречки од двете страни со што ќе се отвори патот за влез на Македонија во НАТО и можност за почеток на преговори со ЕУ. ЕПП беше единствена... Читать дальше...

Бугарската вицепремиерка и министерка за надворешни работи, Екатерина Захариева ја продолжува посетата на Македонија. Захариева, како што соопшти бугарското МНР, денеска во Скопје ќе присуствува на отворање на фестивалот „One Love Tour 2018“, во кој учествуваат голем број изведувачи од Бугарија и Македонија. Таа вчера беше во посета на Струмица и Ново Село.

Јеменските власти соопштија дека војската поддржана од коалицијата предводена од Саудиска Арабија го заземала аеродромот во пристанишниот град Ходеида кој е под контрола на бунтовниците. Според властите, технички тимови сега се обидуват да ги отстранат мините оставени од страна на шиитските милитанти Хути. Се уште нема реакција од бунтовниците. Коалицијата предводена од Саудиска Арабија ги обвини Хутите дека го користат пристаништето во градот за криумчарење на иранско оружје. Техеран и бунтовниците ги негираа таквите тврдења.

Австрискиот канцелар Себастијан Курц во интервју за виенски Стандард изјави дека очекува голем чекор за Македонија кон ЕУ по договорот со Грција за спорот за името. „По договорот за името, се надевам и дека ќе следува голем чекор за Македонија“, наведува Курц. Тој порача дека за време на претседавањето на Австрија со Европската унија очекува напредок во пристапните преговори на Србија и на Црна Гора. Според него, Западен Балкан и ширењето на ЕУ се меѓу приоритетите за шестмесечното претседавање што Австрија го презема на 1 јули.

Времето во Македонија претпладне ќе биде променливо облачно со повеќе сончеви периоди, додека попладне повторно ќе биде нестабилно облачно со локален дожд, грмежи и засилен ветер. Наместа повторно ќе има услови за локална појава на невреме со засилен ветер и со појава на град. Минималната температура ќе се движи од 11 до 19 степени, а максималната од 22 до 31 степен. Во Скопје ќе има нестабилна облачност проследена со пороен дожд и со грмежи, а не е исклучена и појава на ситен град. Температурата ќе достигне до 26 степени.

Во Македонија се намалува употребата на тутунот кај младите, но бројката кај возрасните и натаму е висока, а тој е втора причина за смрт од кардиоваскуларни заболувања, после крвниот притисок.