СДСМ: ВМРО-ДПМНЕ не може да се помири дека Македонија извезува струја
ВМРО-ДПМНЕ и Мицкоски не можат да се помират со успешното работење на АД ЕЛЕМ. Од земја зависна од увоз, Македонија денес продава струја. Наместо да го поздрават успешното работење, ВМРО-ДПМНЕ шири лажни вести, стои во соопштението на СДСМ по објавувањето на последните податоци за производството и извозот на електрична енергија.
„Од почетокот на оваа година, вкупно се продадени 170 илјади мега ват часови и обезбеден е приход од над 8,7 милиони евра. За споредба, во 2017 година воопшто не биле произведени ниту продадени вишоци електрична енергија, а во 2016 година пак продадени биле само 16.000 мегават часови, што е за 10 пати помалку“, се вели во соопштението на СДСМ.