Потрагите на Ана Ивановска во берлинскиот Прима центар
„Одбележување на бесконечноста“ е насловена изложбата на македонската уметница Ана Ивановска, што од 26 мај до 8 јуни, се одржа во берлинскиот Прима центар. За инсталацијата, која со нагласена љубопитност била проследена од тамошната публика, ќе биде забележано дека „со својата комплексна содржина, покрај нејзината визуелна функција, создава емоции и прашања поврзани со човечките мисли за постоењето, бесконечноста, патот и времето“.