САД ја предупредија Русија за сирискиот напад

САД ја предупредија Русија да влија врз својот сојузник Сирија, откако беше објавено дека владините сили ги интензивираа нападите врз бунтовниците во областа на југозападна Сирија, која минатата година беше назначена како "деескалирачка ". Воен набљудувач и претставници на бунтовниците рекоа дека хеликоптерите на сириската влада вчера извршиле напад со бомби во зоната, спротивставувајќи се на повторените предупредувања на САД за потребата да се спроведе договор меѓу Москва и Вашингтон за воспоставување прекин на огнот во оваа област.

Американскиот амбасадор во Обединетите нации, Ники Хејли, рече дека сириската воена ескалација "недвосмислено го крши" аранжманот за деескалација и дека бомбардирањата веќе предизвика повеќе од 11.000 цивили да избегаат од оваа област. "Прекршувањата на прекинот на огнот во југозападна Сирија од страна ан сирискиот режим треба да престанат", рече Хејли. "Очекуваме Русија да има  своја улога за  спроведување на  прекинот на огнот за да ги спречи прекршувањата на сирискиот режим и понатамошните дестабилизирачки акции на југозапад и низ цела Сирија". "Русија на крајот ќе ја сносат одговорноста за какви било понатамошни ескалации во Сирија", рече Хејли.

Сирискиот претседател Башар ал-Асад вети дека ќе ја поврати областа што граничи со Јордан и израелските окупирани Голански висови, а армијата почна да ги  зголемува  нападите  таму оваа недела.