Преслушани 30 „бомби за Траекторија“
Во судницата се слушаа снимените разговори на поранешниот министер за транспорт и врски Миле Јанакиески со неговите соработници и со амбасадорот на Македонија во Кина, Оливер Шамбевски, како и со поранешниот премиер Никола Груевски и поранешниот министер за финансии Зоран Ставрески.
За случајот треба да се слушнат вкупно 315 „бомби“.
Во „Траекторија“ осомничени се поранешниот премиер Никола Груевски, поранешниот вицепремиер Владимир Пешевски, ексминистерот за транспорт и врски Миле Јанакиески и поранешниот директор на ЈП Државни патишта Љупчо Георгиевски дека во 2012/2013 година ги пречекориле своите овластувања во постапката за избор на компанија за изградба на автопатските делници до Штип и Охрид и нанеле штета на Буџетот на државата од најмалку 155 милиони евра.