Словенија против воените вежби на Австрија долж границата
![Словенија против воените вежби на Австрија долж границата](https://gdb.rferl.org/428E2582-E299-4820-BBAD-EEF255FA78AF_w800_h450.jpg)
Словенечкиот премиер во заминување, Миро Церар денеска изјави дека големата воена вежба на австриската полиција и војска долж границата меѓу двете земји е „донекаде провокативна".
Вежбите се дел од итните мерки за спречување на илегалната миграција. Во нив учествуваа околу 500 полицајци и 220 војници, како и воена опрема. Церар порача дека Словенија соодветно ги штити надворешните граници на Шенген зоната и дека поради тоа, воената вежба била непотребна.