Притвор за четворица од седум приведени за пукањето во Тетово
Д.М.(43) од Лавце, Б.Д.(43) од Тетово, Ѓ.Р.(28) од Шипковица и А.М.(37) од Тетово биле изведени пред судија во претходна постпка во Основниот суд во Тетово откако полицијата против нив поднела кривични пријави за две дела предизвикување општа опаснот и недозволено иразботување, држење и тргување со оружје и распрскувачки материи. По определената мерка тие во текот на изминатата ноќ биле пренесени во КПУ Затвор Скопје на издржување на притворот.
„Во петокот нешто по 21 часот најпрвин започнала расправија помеѓу Д.М.(43) од Лавце и Б.Д.(43) од Тетово од една страна со Н.М.(34) Тетово од друга страна во едно тетовско казино по што тие излегле на булеварот Маршал Титокаде започнале и престрелка со огнено оружје, пиштоли и калашникови. Од куршумите за среќа немаше повредени но биле оштетени три угостителски и продажни објекти, една балконска врата од стан и едно возило. На самото место при увидот биле пронајдени повеќе чаури за пиштол и калашников калибар 9 и 7,62 милиметри, две возила и други траги што биле подигнати за вештачење“, соопшти МВР.