Новости за 23.12.2018

Руското министерство за надворешни работи реагира на изјавата на американскиот заменик државен секретар Џон Саливан за време на неговата посета на Скопје на 18 декември.  „Ние би сакале да го вратиме американскиот службеник во реалноста. Прво, "јасна волја на македонските граѓани" беше изразена со неуспешниот исход на референдумот во балканската република на 30-ти септември оваа година. Според неговите резултати, мнозинство од населението го отфрли наметнато од страна на САД влечење на Скопје во... Читать дальше...

Францускиот претседател Емануел Макрон изјави дека длабоко жали за одлуката на американскиот претседател Доналд Трамп да ги повлече американските војници од Сирија. Тој за време на прес-конференцијата во Чад порача дека сојузниците треба да бидат сигурни едни во други. Трамп изјави дека донел таква одлука бидејќи милитантната група Исламска држава во Сирија е поразена.

Словенечкиот претседател Борут Пахор порача дека ќе се залага за смирување на напнатоста и за постојан дијалог со Хрватска. Но, посочи и дека верува оти ќе дојде до спроведување на арбитражната одлука за границата, на што инсистира Словенија, иако Хрватска не ја признава таа одлука и нуди билатерални преговори за пограничниот спор. Пахор во интервју за словенечката национална телевизија изјави и дека за прашањето нема алтернативи, но нервоза и нетрпеливост не се потребни, бидејќи порано или подоцна границата... Читать дальше...

Вицепремиерот за евроинтеграции, Бујар Османи на денешната средба со новинарите порача дека наредната 2019-та ќе биде годината кога Македонија ќе ги почне преговорите за членство во ЕУ. Според него, таквите очекувања се темелат на финализација на обврските од Преспанскиот договор во земјата, на реализацијата на зацртаното од Планот 18 и пред се на изјавата на еврокомесрот Јоханес Хан за временската рамка за пристапување кон Унијата. „И покрај тоа што постои песимизам дали сме ние подготвени, сепак... Читать дальше...

Директорот на ФЗОМ, Ден Дончев најави дека од почетокот на наредната година ќе почне да важи новата распределба на квотите за лекови во аптеките со кои фондот има склучено договор, а треба да овозможи осигурениците да имаат подобра достапност до лекови во текот на целиот месец во аптеките во близина на нивното место на живеење. За наредната година, според него, предвидени се и дополнителни најмалку 120 милиони денари за лекови на товар на фондот. Околу 500 аптеки како што посочи Дончев, ќе добијат... Читать дальше...

Во цунамито кое ги погоди индонезиските острови Јава и Суматра бројката на загинати од 168 се искачи на 222 лица. Цунамито најверојатно било предизвикано од подморско лизгање на земјиштето поради ерупцијата на вулканот Анак Кракатау. Оштетени се стотици домови и згради, повредени се 843 лица, а 28 се водат како исчезнати.

Турција започнала да распоредува дополнителни сили во реоните долж границата со Сирија, кон кои се упатиле околу сто воени возила, јавија турските медиуми. Според објавите, кон пограничните реони се движат конвои од тенкови, топови и автобуси, кои превезуваат припадници на специјалните армиски единици. Претседателот на Турција, Реџеп Таип Ердоган пред два дена соопшти дека најавената воена операција во сириските реони источно од реката Еуфрат против Силите за заштита на народот на сириските Курди, се одлага „за неколку месеци“.

Француските власти соопштија дека џихадист кој бил во бегство е депортиран од Џиабути во Франција поради поврзаност со нападот на сатиричниот неделник Шарли Ебдо во 2015 година. Според обвинителството во Париз, Петер Шериф бил веднаш притворен и обвинет кога пристигнал во земјата. Шариф се верува дека имал блиски врски со двајцата браќа кои го извршија нападот. Француското министерство за одбрана соопшто дека тој одиграл важна улога во организирањето на нападот при кој загинаа 12 лица.

Авганистанскиот претседател Ашраф Гани го назначи Асадулах Халаид за министер за одбрана, а Амрулах Салех за министер за внатрешни работи. Халед и Салех беа шефови на Националниот директорат за безбедност додека претседател беше Хамид Карзаи. Халед беше тешко повреден при обидот за негов атентат во Кабул во 2012 година. Одлуката на Гани доаѓа пред претседателските избори закажни за април, наредната година.

Јапонскиот цар Акихито го одобележува неговиот последен роденден на престолот пред да абдицира, поздравувајќи го мирољубивиот поствоен пат на земјата и истакнувајќи ја важноста од потсетувањето на младите за милитаризираното минато. Тој порача дека е важно да не се заборават загубените животи за време на Втората Светска Војна и мирот и просперитетот на Јапонија кој бил изграден врз бројни жртви. 85 годишниот цар најави дека планира да абдицира на 30 април, наредната година со што ќе стави крај на неговото 30 годишно владеење... Читать дальше...

Телата на деветмината рудари кои загинаа откако изби пожар во рудник за калиум во близина на рускиот град Соликамск биле извлечени од спасувачките тимови. Градоначалникот на регионот Перм, Максим Решетников изјави дека направиле се што можеле за да ги спасат рударите. Спасувачките тимови не може да стигнат до рударите поради високата температура и огнот. Рудникот е во сопственост на компанијата Уралкали.

Од скопскиот аеродром утрово се реализирани две полетувања, едното за Лондон, а другото за Гетегорг, откако од вчера попладне и ноќеска поради магла и намалена видливост летовите беа откажани или пренасочени кон други аеродроми. Од информативниот систем на официјалната веб страница на аеродромот „Скопје“ може да се види дека одредени летови до и од Скопје доцнат и по неколку часови. Првото слетување на аеродромот во Скопје било ноќеска во 2 часот по полноќ, кога пристигнал авион на Визер од Франкфурт.

Во цунами кое најверојатно било предизвикано од ерупцијата на вулкан на остров во Индонезија загинале најмалку 168 лица, а повредени се околу 750. Според властите, 30 лица се водат за исчезнати, а уништени се стотици домови и хотели. Тие очекуваат бројката на жртви да расте. Научници од индонезиската метеоролошка агенција се сомневаат дека цунамито било предизвикано од подморско лизгање на земјиштето поради ерупцијата на вулканот Анак Кракатау кој се наоѓа меѓу островот Јава и Суматра. Цунамите се случило 24 минути по ерупцијата на вулканот.

Времето денеска ќе биде сончево со умерена облачност и со слаб северен, а во југоисточните делови умерен северозападен ветер. По котлините во поголем дел од денот ќе се задржи магливо и студено време, а само попладне се можни кратки сончеви периоди, соопшти УХМР. Максималната температура ќе биде во интервал од 4 до 12 степени. Во Скопје, претпладне магливо и студено, попладне умерено облачно со слаба магла.

Доколку амнестијата се става под банер на помирување, тогаш власта се движи во погрешна насока, со ова директно се подрива владеењето на правото, вели Зоран Нечев од Институтот за демократија во неделното интервју на Радио Слободна Европа.

Одолговлекување на истрагата предизвикува зголемена недоверба на граѓаните во системот и покажува дека повторно се поттикнува онаа политика на неказнивост, вели Зоран Нечев од Институтот за демократија.