Бензините поевтинуваат за 1,5, дизелот за 2,5 денари
Малопродажните цени на бензините од ноќеска на полноќ се намалуваат за 1,5, а на дизел горивата за 2,5 денари по литар, одлучи денеска Регулаторната комисија за енергетика. Новата цена ЕУРОСУПЕР БС-95 е 61,5 ден/лит, а на ЕУРОСУПЕР БС-98 изнесува 63,5 ден/лит. Литар ЕУРОДИЗЕЛ (Д-Е V), пак, ќе се продава за 58,5, а Екстра лесното масло за домаќинство (ЕЛ-1) за 47 денари. Поевтинува и мазутот М-1 НС за 1,789 денари и еден килограм ќе се чини 30,037 денари.