Формирањето косовска војска е закана за мирот во регионот, оцени Дачиќ
Шефот на српската дипломатија Ивица Дачиќ изјави дека формирањето на косовска војска е „најдиректна закана за мирот и стабилноста во регионот и безбедноста на српскиот народ”, објави АП.
Дачиќ објави и дека ќе побара итна седница на Советот за безбедност на Обединетите нации по одлуката на Косово за формирање на војска.
Србија смета дека гласањето во косовскиот парламент претставува кршење на резолуцијата на ОН за Косово, со која беше прекинат конфликтот во периодот 1998-1999 година и воена интервенција на НАТО против Србија.