Анкета: 72 отсто од граѓаните го поддржуваат влезот во ЕУ
Ова го покажуваат резултатите од истражувањето на јавното мислење спроведено во декември на примерок од илјада испитаници од Институтот за демократија „Социетас цивилис“ во соработка со Фондацијата Конрад Аденауер.
Во анализата на јавното мислење за македонскиот процес на пристапување кон ЕУ, прикажани се резултатите од вакви анкети од 2014 година до лани, при што компаративно може да се следи трендот на расположените по одредени прашања поврзани со евроинтегративниот процес. На евентуален референдум против би се изјасниле 17 отсто од граѓаните, а доколку се споредат резултатите со претходните години може да се забележи дека лани има пад на оваа поддршка, во 2017 година изнесувала 73 отсто, во 2016 – 77 отсто, а во 2014 – 80 отсто.