Мицкоски: СДСМ апси за да се откажеме од избори, им следува тежок пораз
Претседателот на ВМРО-ДПМНЕ, Христијан Мицкоски вечерва на прес-конференција изјави дека станало јасно оти СДСМ е во слободен пад, и дополни дека им следува тежок пораз, најапрвин на претстојните претседателски избори а потоа и на предвремените парламентарни избори.
Тој обвини дека целта на апсењата на нивни функцинери е да се испровоцира реакција кај ВМРО-ДПМНЕ која ќе значи да се откажат од претседателските избори и да избегнат пораз.
На граѓаните им е преку глава од самоволите на доспотот Заев, рече тој.
„Се апси врз основа на рекла казала, без докази“, рече Мицкоски.
На Заев тој му порача дека часовникот му отчукува и дополни дека целта му е да ги исплаши граѓаните.
„Сакаат да се зборува за притвор, за апсења, за изживување, за да не се зборува за здравството на Филипче кое убива, за Тевдовски, Спасовски“, вели Мицкоски.