Средба на владејачката коалиција за заеднички кандидат
СДСМ, коалициските партнери и другите партии кои даваат поддршка за заеднички претседателски кандидат, вечерва ќе одржат средба на која треба да биде утврдена личноста што ќе влезе во трката за нов шеф на државата на претстојните шести по ред претседателски избори. Средбата е закажана за 20 часот. После средбата, според најавата, е предвидена изјава на премиерот и лидер на СДСМ, Зоран Заев за заклучоците и одлуките кои ќе бидат донесени.
В недела е закажан и конгрес на СДСМ. Заев и претседателот на ДУИ Али Ахмети во средата постигнаа договор за заеднички претседателски кандидат.