Сугарески - Државниот градежен инспекторат ќе го испита случајот Матка
Доколку овластениот градежен инспектор од општина Сарај не постапил во случајот со Матка, тогаш градежен инспекторат од Државниот градежен инспекторат ќе изврши увид во работата на овластениот градежен инспектор и ќе го информира Министерството за транспорт и врски, изјави денеска на новинарско прашањ министерот за транспорт и врски Горан Сугарески.
„Јасно побарав од Државниот градежен инпекторат, комплетно да ја испита
работата, согласно неговите надлежности и се разбира тука е општината Сарај како најнадлежна. Меѓуота во ситуација, доколку не постапува општина Сарај, Државниот градежен инспекторат согласно Законот за градење ќе ги преземе сите надлежности“, изјави Сугарески.
Тој објасни дека доколку овластениот градежен инспектор од општина Сарај не постапува, тогаш државен инспектор од Државниот градежен инспекторат се испраќа на самото место за да изврши увид на работата.