Силите предводени од САД напредуваат во последната територија на ИД во Сирија
Сириските демократски сили предводени од Курдите денеска соопштија дека напредуваат на два фронта кај Багуз во провинцијата Деир ел-Зор.
Командантот на Сириските демократски сили Зана Амеди за Асошиејтед прес изјави дека „активна копнена сила“ напредува во териториите под контрола на ИД.
АП известува дека два хеликоптери на Коалицијата предводена од САД биле денеска видени како кружат околу областа на борбите. Силна експлозија подоцна се слушнала од далечина и црн чад како се крева кон небото, што најверојатно станув збор за воздушен напад на коалицијата.
Претседателот на САД Доналд Трамп на 28 февруари изјави дека ИД загубиле „100 проценти“ од територијата која некогаш ја контролирале во Сирија, но официјални претставници проценуваат дека стотици милитанти се останати во мал дел од територијата во Багуз и оти најверојатно ќе се борат до крај.