Одложена расправата за интерпелација на Спасовски

Собранието ни денеска не расправаше за интерпелацијата на министерот за внатрешни работи Оливер Спасовски поднесена од пратениците од опозицијата. Претседателот на Собранието, Талат Џафери на денешното продолжение на 86. седница најави дека расправата ќе биде закажана дополнително во координација со министерот и координаторите на пратеничките групи.


Интерпелацијата на Спасовски е единствената преостаната точка од дневниот ред на седницата, откако беа изгласани измени и дополнувања на законите за субвенционирање на станбен кредит за користење и располагање со стварите во државна и во општинска сопственост и за данокот на додадена вредност, сите по скратена постапка.