Гваидо се врати во Венецуела

Венецуелскиот опозициски лидер Хуан Гваидо се врати во јужноамериканската земја опколен со новинари и поддржувачи.


“Ние сме тука, во Венецуела и ќе продолжиме да се движиме напред”, рече Гваидо на главниот аеродром во Каракас. Тој денеска се вати во Венецуела од турнејата во други латинско американски земји во кои бараше поддршка за неговите напори да го собори актуелниот оспорен претседател Николас Мадуро.


Гваидо, кој е шеф на Националното собрание кое е контролирано од опозицијата, се прогласи за привремен претседател на земјата во јануари и ја доби поддршката од светските сили, меѓу кои и од Соединетите Американски Држави.