Кривична пријава за Коце Трајановски

Против поранешниот градоначалник на Скопје, Коце Трајановски и уште три лица од градската администрација е поднесена кривична пријава за злоупотреба на службена положба и овласувања при изборот на директор на „ЈП Водовод и Канализација“- Скопје по оглас од 2014 година.


Секторот за внатрешни работи Скопје соопшти дека претседателот и членовите на комисијата не извршиле проверка на комплетноста и валидноста на доставената документација од кандидатите за распишаниот конкурс.


Според соопштението, од 11 пријавени кандидати за директор било избрано лице кое имал некомплетни документи, односно дипломата за завршен факултет во државата Њујорк во САД не му била нострифицирана.


Таквата одлука, како што се наведува, била доставена до Трајановски кој не извршил проверка и донел одлука за избор на тој кандидат за директор на ЈП „Водовод и канализација“- Скопје.