Скот: САД не повлекуваат црвени линии за решавање на прашањето за Косово

Американскиот амбасадор во Србија, Кајл Скот изјави дека САД не повлекуваат црвена линија кога станува збор за решавање на прашањето за Косово. Според него, клучот за Белград и Приштина е да се вратат на преговарачката маса. Тој за српскиот весникот „Курир“ истакна дека секоја одлука што ќе ја договараат двете страни ќе биде поддржана, а која може да се примени и да биде трајна.


„Ние не повлекуваме црвени линии, не одредуваме што ќе се случи, ако тоа што тие го договорат е стабилизирачки за регионот, ако може да се примени и е трајно, тогаш ние веројатно ќе го поддржиме. Но, чекаме самите страни да постигнат договор со посредство на ЕУ“, посочи амбасадорот на САД.


Запрашан за идната улога на Филип Рикер на Балканот, Скот наведе дека тој нема план за Косово во својот џеб, како што се спекулираше изминатите недели и дека нема никого да тера за ништо, туку дека двете страни треба да се согласат.