Притвор за Мијалков и за Ибраими по пресудата за „Титаник 2“

Кривичниот суд донесе одлука за изрекување на мерки притвор за поранешниот шеф на УБК, Сашо Мијалков и поранешниот член на ДИК, Бедредин Ибраими по барање на обвинителката Фатиме Фетаи за случајот „Титаник 2“.

Мијалков кој е во домашен притвор денеска беше осуден на 3 години затвор за примање награда за противзаконито влијание во случајот кој се однесува на изборните нерегуларности во 2013 година.

Ибраими беше осуден на највисоката казна 4 години и 6 месеци за злоупотреба на службена положба и овластување. Неговите поранешни колеги во ДИК, Влатко Зајковски, Сашо Срцев и Анета Стефановска за истото кривично дело добија по 3 години затвор. Лидерот на ДПА, Мендух Тачи беше обвинет за е осуден на 3 години и 2 месеци. Тие за разлика од Ибараими и Мијалков добија мерки за претпазливост и имаат обрска да се јавуваат во судот. 

Според обвинителниот акт, Мијалков го искористил своето реално влијание и телефонски побарал од Мендух Тачи да влијае врз членот од неговата политичка партија во ДИК да гласа за носење на одлука во корист на партијата ВМРО-ДПМНЕ по приговор за гласањето на избирачкото место 1727 во Струмица, со што кандидатот Васил Пишев се стекнал со противзаконито право за натамошно учество на изборите.