Осуден e српскиот тајкун Мишковиќ
Советот на Специјалниот суд во Белград денеска го прогласи за виновен претседателот на компанијата „Делта Холдинг“ Мирослав Мишковиќ и неговиот син Марко за затајување данок. Мишковиќ е осуден на 2,5 години затвор поради поттикнување даночно затајување, а ќе мора да плати и казна од осум милиони динари.
Мишковиќ се терети дека му помогнал на синот Марко да затаи 320 милиони динари данок. До даночното затајување, според обвинението, дошло при префрлување акции на Претпријатието за патишта Ниш на домашна компанија, која, според тврдењата на обвинителството, ја контролира Марко Мишковиќ.
Неговиот син Марко е осуден на една година домашен затвор и ќе мора да врати осум милиони динари.