Ќерката на Назарбаев избрана за шеф на казахстанскиот Сенат

Дарига Назарбаева, најстарата ќерка на поранешниот казахстански претседател Нурсултан Назарбаев, е избрана за претседател на Горниот дом на казахстанскиот Парламент, Сенатот.

55-годишната Назарбаева денеска едногласно беше избрана од страна на членовите на Сенатот, еден ден откако нејзиниот татко ја објави својата оставка по речиси 30 години на функција.

Претходно денесека, според Уставот на централно-азиската земја, претседателот на Сенатот Казим Зомрат Токаев положи заклетва за функцијата претседател. Тој ќе ја извршува функцијата до претседателските избори кои треба да се одржат во 2020 година.

Дарига Назарбаева долго време се сметаше за можна наследничка на нејзиниот татко, кој ги задржува клучните улоги, како и неговиот статус „лидер на нацијата“ и се очекува да продолжи неговото силно влијание во земјата со 18,7 милиони жители.

Назарбаерва во Сенатот од 2016 година претседава со Комитетот за меѓународни односи, одбарана и Комитетот за безбедност. Претходно таа беше и заменик премиер.