Новости за 29.12.2017

Министерството за надворешни и европски работи на Хрватска упати дипломатска нота до Словенија повикувајќи ја да не ја применува арбитражната одлука за разграничувањето на море и копно меѓу двете држави што Хрватска не го признава. По повод најавите дека од 29 овој месец Словенија ќе почне да ја применува арбитражната одлука, Загреб бара „конструктивен дијалог“ и избегнување инциденти, односно Љубљана да „остане приврзана на мирно решавање на отворените прашања“. Премиерите на Словенија и на Хрватска... Читать дальше...

Во синоќешниот пожар во една станбена зграда во округот Бронкс во Њујорк загинаа најмалку 12 лица, вклучувајќи и едно новороденче, соопшти градоначалникот на Њујорк Бил де Бласио, наведувајќи дека уште четири луѓе биле во критична состојба. „Ова е најголемата огнена трагедија што ја видовме во овој град во изминативе 25 години“, рече тој. Пожарот започнал на првиот кат и брзо се проширил на третиот кат од зградата, изјавија официјални лица. Причината за пожарот се уште не е утврдена.

Во Македонија ќе биде претежно облачно со слаб локален дожд, и со слаб снег на планините и на некои повисоки места претежно во западните делови. Ќе дува слаб до умерен ветер, претежно од јужен правец, кон крајот на денот од северен. Температурата ќе се движи од еден до 12 степени. Во Скопје ќе биде облачно со слаб локален дожд, и со слаб снег на планините. Ќе дува слаб до умерен ветер, претежно од јужен правец, кон крајот на денот од северен. Температурата ќе достигне до 10 степени.