Новости за 20.03.2018

Поранешниот претседател Никола Саркози е во притвор поради истрагата за наводното нелегално финансирање на неговата кампања во 2007 година од страна на либискиот диктатор Муамер Гадафи. Саркози, според судски извори бил на распит во полициска станица во западен Париз. Француските власти ја отворија истрагата во 2013 година, а Саркози за прв пат е сослушан за случајот по неколку недели откако негов поранешен соработник беше уапсен во Лондон и пуштен со кауција. Саркози кој беше претседател од 2007... Читать дальше...

Потребни се систематски промени, а не интервентни решенија, со кои ќе се подобри состојбата на младите, посочуваат упатените. Владата денешната седница ја посветува на младинските политики.

Американскиот претседател Доналд Трамп побара поостри казни за дилерите на дрога, меѓу кои и смртна казна. Тој го претстави неговиот план за борба против зависностите од опоиди. Се проценува дека скоро 2 ипол милиони американци се зависни на наркотици, од хероин до лекови против болки кои се издаваат на рецепт. Неговиот предлог за смртна казна за дилерите на дрога наиде на критики од демократите кои оценуваат дека тоа нема да ја реши кризата со опоидите во земјата.

Текст што ги содржи грчките предлози и агенда за идна соработка е испратен до Скопје, изјави шефот на грчката дипломатија Никос Коѕијас во Брисел, по советот за надворешни работи на ЕУ. Тој во изјава за државата телевизија ЕРТ, одговарајќи на прашањето дали при посетата на Скопје ќе ја однесе и грчката нацрт спогодба, вели дека предлозите од Атина се веќе испратени. „Да ви дадам нешто ексклузивно. Изработивме текст со нашите предлози во целост како во однос на отворените проблеми што ги имаме со ПЈРМ... Читать дальше...

Собранието на Косово денеска во четвртото продолжение од својата вонредна седница ќе го разгледува предлог законот за ратификација на спогодбата за демаркација на граничната линија со Црна Гора. Се уште не е познато дали се обезбедни гласовите на 80 пратенци, неопходни за негово усвојување, па затоа не е јасно како ќе се изјасни парламентот. Демаркацијата на границата со Црна Гора е последен услов на Косово за визна либерализација со Европската унија.

Соединетите држави и Јужна Кореја соопштија дека заедничките воените вежби што беа прекинати за време на Зимската олимпијада во Пјонгчанг ќе продолжат на први април. Пентагон соопшти дека Северна Кореја која се противи на овие вежби била информирана дека тие ќе продолжат и оти имаат „одбранбен карактер“. Во меѓувреме, Вашингтон и Пјонгјанг го подготвуваат планираниот состанок меѓу претседателот Доналд Трамп и севернокорејскиот лидер Ким Џонг Ун.

Врховниот суд денеска на јавна седница ќе одлучува за притворите на обвинети од настаните во Собранието на Македонија од 27 април. На седницата се повикани пратениците Крсто Мукоски и Сашо Василевски по што се очекува судот да се изјасни дали е потребно продолжување на нивниот притвор. Муковски и Василевски се дел од 35-те осомничени за терористичко загрозување на уставниот поредок и безбедноста. Меѓу нив е и поранешниот министер на МВР, Митко Чавков.

Демократската партија на социјалистите на Црна Гора го кандидира Мило Ѓукановиќ за претседател на земјата на изборите што ќе се одржат на 15 идниот месец.

Генералниот секретар на НАТО Јенс Столтенберг изјави дека Алијансата стои зад Британија во нејзинот спор со Русија околу труењето на поранешниот шпион Сергеј Скрипал и неговата ќерка во англиското гратче Салсбери. Столтенберг на заедничката прес конференција со шефот на британската дипломатија Борис Џонсон изјави дека сите 29 земји членки на НАТО се солидарни со Британија. Лондон тврди дека Скрипал и неговата ќерка биле отруени со нервен гас и од тогаш се во критична состојба. Британија оцени дека Русија била вмешана во случајот. Читать дальше...

Демократската партија на социјалистите на Црна Гора го кандидира Мило Ѓукановиќ за претседател на земјата на изборите што ќе се одржат на 15 идниот месец. Ѓукановиќ синоќа изјави дека неговата лична ореинтација било да не се кандидира, но оти ја прифатил номинацијата заради развојот на Црна Гора. „Ова одлука е израз на мојата одговорност спрема она што се тековни и потреби за идниот развој на Црна Гора“, изјави Ѓукановиќ кој три пати се повлекуваше од државните функции. Нему ова му е втора трка за претседател.

Во Македонија ќе биде умерено облачно со претежно умерен западен ветер. Претпладне во планинските делови ќе има услови за краткотраен дожд. Во југозападните и јужните делови ветерот постепено ќе се засилува. Температурата ќе се движи од 8 до 19 степени. Во Скопје и околината слично време со температура до 15 степени.