Новости за 03.09.2018

Иранскиот врховен верски лидер Ајатолах Али Хаменеи побара од вооружените сили да ги зголемат обдранбените капацитети и покрај тоа што оцени дека не се големи можностите за нов воен конфликт. До овие негови забелешки доаѓа откако претходниот ден Иран соопшти дека планира да го зголеми бројот на балистички и крстосувачки ракети и да обезбеди модерни борбени авиони поради растечките тензии со Соединетите држави.

Претседателот на Косово Хашим Тачи, обраќајќи им се на амбасадорите на земјите на Европската Унија, САД и на шефовите на мисиите на КФОР, ОЕБС и Еулекс, рече дека сега е време за „голем историски договор меѓу Косово и Србија“, соопшти неговиот кабинет. „Не можеме да се враќаме назад зашто историјата на односите меѓу Косово и Србија е трагична приказна. Не можеме да стоиме во место или во пат-позиција, а немаме ни што да чекаме, зашто заостанувањето и чекањето во решавањето на односите меѓу Косово и Србија е токму повик за тензии... Читать дальше...

Денеска започнува новата школска година. За прв пат во училишните клупи ќе седнат над 20 илјади основци, додека во прва година во средно училиште се запишани над 16 илјади ученици. Министерот за Образование и Наука Арбер Адеми преку видео-порака им честита на учениците и наставниците од кои побара соработка и посветеност. Адеми го повтори неговото ветување дека од овој месец платите на наставниците ќе бидат покачени за 5 насто, додавајќи дека ова е само почеток.

Во Македонија ќе биде малку посвежо, во претпладневните часови ќе има услови за локален пороен дожд и појава на ретки грмежи повремено и со умерен ветер особено на западот, а поплaдне и преку северните делови. Дневната температура ќе се движи од 22 до 35 степени. Во Скопје и околината слично време со температура до 32 степена.