Новости за 19.09.2018

Членството во ЕУ на Македонија ќе и овозможи отворен пазар, кој за секој бизнис ќе значи поголем пласман на производите како и олеснување на работата, велат упатените. Најголемата трговска размена на Македонија и е токму со земјите членки на ЕУ.

Продолжува рочиштето за насилствата во Собранието на 27 април 2017 година, со сослушување на сведоците Ферид Мухиќ, Курто Дудуш, Сашко Коцевски и новинарката Душица Мрѓа. На последното рочиште кое се одржа на 13 септември сведочеа Хари Локвенец и Катерана Кузмановска од СДСМ. Обвинетите во случајот за настаните од 27 април се товарат за терористичко загрозување на уставниот поредок. Тие пред судот се изјаснија дека го разбираат обвинението, но оти не се чувствуваат виновни. На последното рочиште... Читать дальше...

Американскиот државен секретар Мајк Помпео изјави дека САД веќе втора година по ред ќе го намали бројот бегалци кои ќе ги примат, но и дека и натаму се посветени на давање засолниште на луѓето кои бегаат од воените зони. Во идната година во САД ќе можат да влезат 30.000 бегалци, што е за 15.000 помалку од оваа година. Ова е најниската граница откако беше започната програмата во 1980 година.

Претседателот на Владата на Република Македонија Зоран Заев патува за Вашингтон каде на 20 септември ќе има билатерална средба со потпретседателот на САД, Мајк Пенс. Средбата ќе се реализира на покана на потпретседателот Пенс, а на неа ќе се разговара за напредокот на Република Македонија кон членството во НАТО.

Грчката опозициска Нова демокартија соопшти дека им дала инструкции на своите пратеници и високи функционери да не се појавуваат на програмите на државната телевизија, обвинувајќи ја за пристрасност во корист на владата. Според оваа партија, ЕРТ водела „вулгарна владина пропаганда“. ЕРТ често пати беше предмет на политички контраверзи. Претходната конзервативна влада ја затвори во 2013 година и ја замени со медиум со двојно помалку вработени. Меѓутоа сегашната левичарска влада во 2015 година повторно ја отвори.

Договорот од Преспа е храбар и фер компромис што ќе ја стави Македонија на патот кон ЕУ и НАТО и ќе и осигура светла иднина. Ги повикувам сите граѓани на Македонија да гласаат на референдумот и да учествуваат во носењето на оваа историска одлука, им порачува поранешниот претседател на САД во обраќањето до граѓаните на Република Македонија. Во писмо до македонскиот народ, што го објави Атлантскиот совет во Вашингтон, Буш пишува дека уште од првиот ден на македонската независност Соединетите Американски... Читать дальше...

Американскиот претседател Доналд Трамп изјави дека неговата администрација го разгледувала барањето за постојано американско воено присуство во Полска. Тој ова го изјави на прес конференцијата во Вашингтон по неговата средба со полскиот претседател Анджеј Дуда. Полска веќе неколку пати бара разместување американски војници на нејзина територија и понуди 2 милијарди долари за изградба на воена база. Сегашното американско присуство е врз ротирачка основа.

Американскиот претседател Доналд Трамп изјави дека неговата администрација го разгледувала барањето за постојано американско воено присуство во Полска. Варшава е подготвена за тоа да плати две милијарди долари.

Лидерите на Јужна и Северна Кореја Мун Џае Ин и Ким Џонг Ун ја заокружија последната во серијата историски средби, наведувајќи дека се согласиле Корејскиот полустров да биде без нуклеарно оружје. На денешната прес конференција во Пјонгјанг Ким Џонг Ун најави дека наскоро ќе ја посети Јужна Кореја, што ќе биде прва таква посета на еден севернокорејски лидер по поделбата на Полустровот пред неколку децении.

По поднесената иницијатива на партијата Левица во која сметаат дека распишувањето на референдумот било спротивно на Уставот, денеска Уставниот суд ќе ја разгледува оваа одлука. За Левица собраниската одлука за распишување на референдумот е спротивно на Уставот на РМ, на Законот за референдум и кодексот на Венецијанската комисија за добри референдумски практики.

Во Македонија ќе биде претежно сончево со слаб југоисточен ветер. Дневната температура ќе се движи од 24 до 31 степен. Во Скопје и околината слично време со температура до 31 степен.