Новости за 11.10.2019

Денес се одбележува 11 Октомври, кога пред 78 години македонскиот народ се крена против окупаторот за ослободување на земјата. Ние не можеме да ја менуваме историјатa, велат од Сојузот на Борците за барањето на Бугарија да се избришат написите каде пишува „фашистички окупатор“.

Американскиот државен секретар Мајк Помпео разговарал со бугарскиот премиер Бојко Борисов. Тие, како што е соопштено во Вашингтон, ја потврдиле силата на стратегискиот однос меѓу САД и Бугарија и разговарале за начините за унапредување на партнерството. Секретарот Помпео ја поздравил посветеноста на Бугарија за воена модернизација, вклучително и неодамнешното купување на осум авиони од типот Ф-16. Тие, исто така, разговарале и за важноста на енергетската диверзификација и борбата против опасните влијанија во регионот.

Доцни стартот на чистењето на малата депонија со линдан во Охис, откако според првичните планови тоа беше најавено за почетокот на оваа есен. Според надлежните, сите подготовки се завршени, а отстранувањето ќе започне по изборот на соодветна компанија.

Претседателот на Република Северна Македонија Стево Пендаровски денеска престојува во официјална посета на Република Австрија. Во Виена, претседателот Пендаровски со највисоки државни и воени почести ќе биде примен од сојузниот претседател Александер Ван дер Белен, а ќе оствари билатерални средби со сојузната канцеларка Бригит Биерлејн и со претседателот на Националниот совет на Сојузното собрание Волфганг Соботка. Според агендата, претседателот Пендаровски ќе одржи предавање на Дипломатската академија во Виена на тема „Преспанската спогодба ... Читать дальше...

Претседателот на Самоопределување и кандидат на таа партија за премиер на Косово Албин Курти во интервју за Радио Слободна Европа вели дека Албанците на Косово не се посветни на политичко обединување со Албанија. Според него, интеграцијата со Албанија и Европската унија треба да биде преку успехот на Косово како држава.

Американскиот претседател Доналд Трамп навести можност од американско посредување во судирот меѓу Турција и Курдите, по почетокот на турската воена операција на североистокот на Сирија. „Имаме избор меѓу три работи: да испратиме илјадници војници заради воена победа, силно финансиски да удриме врз Турција или да посредуваме за да се постигне спогодба меѓу Турција и Курдите“, напиша Трамп на Твитер. Во меѓувреме, илјадници луѓе ги напуштиле нивните домови, а десетина биле убиени од почетокот на турската акција.

Денеска се одбележува 11 Октомври, Денот на народното востание. На Партизанските гробишта во Бутел во Скопјеќе бидат положени цвежиња, а ќе биде доделена идржавната награда „11 Октоври“ за 2019 година за највисоко признание за животно дело во областа на науката, уметноста, стопанството и другите дејности од јавен интерес. Во Куманово ќе бидат положени цвеќиња на Спомен костурницата, по што обраќање ќе има премиерот Зоран Заев. Во Прилеп ќе се одржи свеченост пред спомениците на Методија Андонов-Ченто и Кузман Јосифоски-Питу. Читать дальше...

Во утринските часови ќе биде променливо облачно со локален дожд, претежно во северните делови, а во текот на денот облачноста ќе се намали. Ќе дува слаб до умерен северен ветер, поизразен вдолж Повардарието, каде повремено ќе засилува. Утринската температура ќе биде од 7 до 16, а дневната од 17 до 25 степени. Во Скопје и околината слично време. Утринската температура ќе биде околу 13, а дневната ќе достигне до 23 степени.