Новости за 28.10.2019

Министерот за внатрешни работи Оливер Спасовски вели дека борбата против организираниот криминал бара нови форми на соработка и дејствување на меѓународно ниво. Тој во обраќањето на семинарот „Меѓуресорска соработка во справување со насилен ектремизам и борба против тероризам“, рече дека борбата против овој вид на криминал е предизвик на 21 век, а безбедносните закани со кои се соочува земјата се слични и во земјите во регионот, но и во ЕУ и САД, што наложува и нови форми на соработка и дејствување на меѓународно ниво. Читать дальше...

„Браво за СОНК, и така еден ден нема да има ученици, сите ќе бегаат, нека бегаат и наставниците“.

Годинава бројот на руски дезинформации во Западен Балкан, а со тоа и во Македонија, се удвоил, иако 2019 беше означена за година на борба против дезинформациите, а Европарламентот дури изгласа и резолуција како предупредување. Но, остана ли некој глув на овие предупредувања?

„Нема сомнение дека Брегзит е стратегиска катастрофа за Европската унија. Но, се чини дека малкумина разбираат дека ЕУ се движи кон друга стратегиска катастрофа – овој пат на Балканот“, оценува поранешниот шведски премиер и специјален пратеник на ЕУ за поранешна Југославија, Карл Билт, во колумна за „Вашингтон пост“. „Франција стави вето на отворањето на пристапните преговори на ЕУ со Северна Македонија, наспроти повторената позитивна препорака на Европската комисија и волјата на другите земји-членки. Читать дальше...

Турскиот претседател Реџеп Таип Ердоган оцени дека смртта на водачот на терористичката Исламска држава Абу Бакр ал-Багдади е пресврт во заедничката борба против тероризмот. Ердоган на Твитер објави дека Турција платила висока цена во борбата против тероризмот, вклучително и против курдските борци од редивите на Силите за заштита на народот во Сирија. Тој додаде дека Турција ќе продолжи да ги поддржува напорите за борба против тероризмот.

Земјотрес со интензитет од три степени според Европската макросеизмичка скала е почувствуван вечерва во Струга и околината. Сеизмолошка опсерваторија при Природно-математичкиот факултет, соопшти дека земјотресот е регистриран во18 часот и 39 минути. Бил со Рихтерова магнитуда од 2,5 степени и со епицентар на 157 километри југозападно од Скопје, во соседна Албанија.

Поголем број светски лидери ја поздравија американската акција во Сирија во која загина лидерот на екстремистичката Исламска држава Абу Бакр ал Багдади. Експертите со оценка дека иако станува збор за клучен момент, сепак тоа не значи и крај на терористичката Исламска држава. Трамп пак дома се соочува со критики.

Првичните резултати од вчерашните локални избори во Бугарија покажуваат дека владејачката партија ГЕРБ ќе ја задржи доминацијата, но со помала поддршка отколку пред четири години. Во Софија, сегашната градоначалничка Јорданка Фандaкова ќе мора, за да се избори за петтиот нејзин мандат, да излезе на вториот круг против Маја Манолова, независна кандидатка која е поддржана од неколку опозициски партии. Таа доби околу 100.000 помалку гласови од минатите избори. Пред четири години ГЕРБ победи во 22 од 28 региони, од кои во 11 уште во првуот круг.

Премиерот Зоран Заев во порака објавена на неговиот Фејсбук профил вели дека има доволно аргументи да се убеди францускиот претседател Емануел Макрон дека проширувањето на ЕУ може да оди заедно со промената на методологијата на преговарачкиот процес за прием на нови земји членки. „Ние не сме само стратешки интерес, ние сме Европа. Тоа значи дека ќе станеме полноправна членка на ЕУ откако целосно ќе се реформираме внатре, а за тоа ќе ни помогне пристапниот процес и затворањето на поглавјата“, наведува премиерот Заев.

Ќе биде сончево и топло со слаб ветер од северен правец. Утринската температура ќе биде од минус три до седум, а дневната од 22 до 28 степени. Во Скопје и околината слично време. Утринската температура ќе биде околу три, а дневната ќе достигне до 24 степени.