Трамп ќе ја објави кандидатурата за втор мандат на 18-ти јуни
Американскиот претседател Доналд Трамп најави дека на 18-ти јуни официјално ќе ја објави кандидатурата за втор мандат во Белата куќа.
„Ќе објавам дека влегувам во претседателската трка за втор мандат, во присуство на првата дама Меланија, потпретседателот Мајк Пенс и втората дама Карен Пенс, на 18-ти јуни во Орландо, на Флорида, во „Амвеј центарот” кој има 20.000 места“, напиша Трамп на социјалната мрежа „Твитер“ и ги повика поддржувачите да дојдат на, како што рече, историскиот митинг.
Тој достави и линк до неговата официјална веб-страница каде што можат да се купат билети за овој настан.