Ривалските молдавски влади на одвоени средби

Двете ривалски влади, кои прогласија легитимитет во Молдавија, денеска одржаа одделни состаноци  додека Русија ја отфрли својата поддршка за новата владејачка коалиција помеѓу Социјалистичката партија подржана од Русија , и проевропскиот блок.

Вчера молдавски суд го разреши претседателот на државата Игор Додон и го постави поранешниот премиер Павел Филип за привремен претседател.

Премиерот Павел Филип го распушти парламентот и повика на одржување предвремени избори во септември

Демократската партија на Молдавија на Павел Филип вети вчера дека ќе го оспори легитимитетот на новата влада која ја формираа Социјалистичката партија поддржана од Русија и проевропскиот блок АКУМ.

Додон е поранешен лидер на Социјалистичката партија и го поддржува формирањето на новата влада.

Социјалистичката партија и блокот АКУМ се согласија вчера да формираат влада и ја именуваат Маја Санду, поранешна министерка за образование и советничка на Светската банка, за премиерка за да ја намалат моќта на олигарсите во една од најсиромашните земји во Европа.