Подготовките за конгресот на партијата биле централна тема на седницата на Централното претседателство на ДУИ, информира партискиот портпарол Бујар Османи. На новинарско прашање за реконструкција во Владата, тој изјави дека фокусот е врз надворешната политика околу евроинтеграциите, по што ќе се знаат чекорите во внатрешната политика и промените во извршната власт. „В четврток ќе бидеме во Берлин каде што ќе се дефинира динамиката на интеграциите и врз основа на оваа динамика, ќе се дефинира внатрешното прашање. Затоа до тогаш, не можеме да кажеме каков пристап ќе имаме во врска со реконструкцијата“, рече Османи.Тој подвлече и дека двајцата лидери, Ахмети и Заев, интензивно комуницирале околу оваа прашање, но актуелно приоритет останува европската агенда односно најавената средба Меркел-Заев во Берлин.
