САД очекуваат во најскоро време Северна Македонија да добие датум за преговори
Северна Македонија заслужува да добие датум за почеток на преговорите со ЕУ, изјави денеска в.д амбасадорката на САД во земјава, Микаела Швајцер-Блум.
„Владата на Соединетите држави силно верува дека Северна Македонија заслужува датум за отворање на преговорите во најскоро можно време. Ние ја зедовме предвид изјавата од состанокот синоќа и сме охрабрени дека ЕУ ќе донесе одлука Северна Македонија да ги отвори пристапните преговори оваа година“, рече Швајцер-Блум за МРТВ.