Иран тврди дека има докази за американското беспилотно летало
Иран соопшти дека има неспорни докази дека американското беспилотно летало кое вчера беше соборено го нарушило воздушниот простор на земјата. Медиуми претходно јавија дека американскиот претседател одобрил, но потоа откажал воен удар на Иран. Американската војска соопшти дека беспилотното летало вредно 160 милиони долари летало на Ормутскиот теснец и во меѓународен воздушен простор кога било соборено.
Иранската револуционерна гарда соопшти дека го собориле американското шпионско летало кое ја исклучило опремата за следење додека летало над иранскиот воздушен простор во јужната провинција Хормозган.