ГРЕКО: Србија, БиХ и Шпанија не исполниле ниедна од препораките на СЕ за борба против корупцијата

До крајот на 2018 година, Србија нема целосно исполнето ниту една од 17-те препораки на Советот на Европа за борба против корупцијата (ГРЕКО), се наведува во годишниот извештај на организацијата. Во него стои дека седум препораки се делумно исполнети, десет воопшто не се исполнети, според што Србија е една од трите земји, покрај Босна и Херцеговина и Шпанија, кои немаат исполнето ниту една од препораките.

Пет од препораките се однесувале на работата на пратениците, шест на работата на судиите и исто толку на работата на јавните обвинители. За разлика од Србија, која не ги исполнила препораките, во Европа исполнети се 22,6 проценти од препораките што се однесуваат на работата на пратениците, 36,1 проценти од препораките за работата на судиите и 45,2 проценти од препораките за работата на јавните обвинители, се наведува во извештајот на ГРЕКО.