Од утре електронски рецепти за хронично болните

Хронично болните од утре нема да треба да одат кај матичните лекари за да земат рецепт за својата редовна терапија, туку ќе почнат да се користат електронски рецепти, соопшти на денешната прес конференција директорот на Фондот за здравствено осигурување, Ден Дончев.


„Пациентите ќе треба само телефонски да се јават кај матичните лекари и да добијат информација дека им е креиран рецептот. Потоа одат директно во аптека и со документ за лична идентификација ќе можат да ги подигнат пропишаните лекови“, рече Дончев.


Ако пациентите не можат лично да одат во аптека, се предвидува друго лице, во нивно име да ја подигне терапијата од аптеката. Дончев додаде дека системот во прво време ќе функционира за хронично болните пациенти, но оти се работи и за негова примена и кај сите осигуреници на Фондот и за сите дијагнози.