75 милиони вакцини од Фајзер во вториот квартал од годината
Фајзер и германскиот партнер БиоНТех ќе испорачаат 75 милиони дополнителни дози од нивната вакцина против ковид-19 во вториот квартал од годината, рече денеска претседателката на Европската комисија Урсула фон дер Лајен, повторувајќи ги информациите што ги кажа претходно овој месец.
“Бионтек и Фајзер ќе испорача 75 милиони дополнителни дози во вториот квартал од годината - и до 600 милиони вкупно во 2021 година“, напиша фон дер Лајен на Твитер.
Дополнителните дози се дел од договорот што Европската унија (ЕУ) го објави на 8 јануари и со кој на ЕУ ќе ѝ се даде речиси половина од глобалното производство на фирмите за 2021 година.
Германија се закани со тужби поради доцнење на анти-ковид вакцините
Дер Лајен: Астразенека ќе испорача уште 9 милиони дози вакцини
Фајзер соопшти дека оваа година може да произведе до 1,3 милијарди дози ширум светот. Од компанијата велат дека 500 милиони дози ќе ѝ бидат достапни на ЕУ до крајот на оваа година и може да се искористи опција за уште 100 милиони. На секој примател на вакцината Фајзер му се потребни две дози за да се развие максимална заштита.