Средношколците привремено го прекинуваат бојкотот на наставата
Во соопштението се наведува дека по средбите со пратеници во Собранието, Сојузот на средношколци бил сигурен дека ужива поддршка од повеќе од 70 пратеници во Парламентот и поради тоа било одлучено да биде прекинат бојкотот на наставата, се вели во соопштението.
„Ни требаат и квалитетна настава и изменета државна матура и натамошен образовен и професионален развој. Поради ова Сојузот им остава можност и време на институциите да ги прифатат и спроведат нашите барања“, велат од Сојузот на средношколци.
Бојкотот на наставата на средношколците беше започнат поради нивните барања за измена на матурскиот испит поради онлајн наставата. Тие бараат, наместо четири, да полагаат два предмети, едниот да биде задолжителен мајчин јазик, додека вториот да биде изборен, како и проектна задача.
Средношколците продолжуваат со бојкот на наставата
Претходно деновиве, Сојузот на средношколци одруваше средби со пратеници на ВМРО-ДПМНЕ, по кои беше соопштубано дека од нив добиле „поддршка“ на нивните барања.
„Бевме информирани дека ќе започнат со иницијатива за организирање на јавна расправа во понеделник и подготовка на законски измени“, наведе Сојузот на средношколци по средбите со пратениците.
Исто така во објавата беше наведено дека Сојузот очекува широк консензус во Собранието околу нивните барања , прашање кое како што велат „ги засега сите 18 илјади матуранти.“
Претходно Сојузот на средношколци исто така испрати писмо до 85 пратеници во кое бараат поддршка од Собранието.
Министерката за образование и наука Мила Царовска во однос на прашањето, изјави дека не постои друга опција освен да биде спроведена државната матура, посочувајќи дека сите рокови се поминати за да се прави нов концепт за матура, што е во план да се подготвува за следната година.