Мијалков и братот на вицепремиерот Николовски главни теми за пратенички прашања

Никакви договарања нема и нема да има со било кого, а секој еден што носел какви било одлуки спротивни на закон, спротивни на интересите на граѓаните и на државата, треба во секој момент да излезе пред лицето на правдата и да понесе одговорност, рече денеска министерот за внатрешни работи, Оливер Спасовски, во Собранието, одговарајќи на прашањата на опозицијата за слуучајот со поранешниот директор на Управата за безбедност и контраразузнавање, Сашо Мијалков.

„Тезите што сега се покренуваат дека некој нешто договарал со некого за одреден случај, мислам дека се демантираат една по друга или се исклучуваат една од друга. Ако некој со некого се договарал, за што се договарал, да избега или да се врати повторно пред лицето на правдата, кој е тој договор што е правен и со кого бил правен?“, одговори Спасовски на прашањето на пратеникот од ВМРО-ДПМНЕ, Игор Јанушев, за „бегството“ на Мијалков.

А што ако прислушувал исчезнатиот зол близнак на Мијалков?

На денешната седница расправа имаше и по прашањето на Јанушев до вицепремиерот за борба со корупцијата, Љупчо Николовски: „Дали знаете дека вашиот брат преку фирма наплаќа готовина без да издава фискална сметка, со што се кршат закони“, по што презентираше фотокопија на, како што рече,  каса-прими обрзец, за кој тврдеше дека е од фирма што е во сопственост на братот на Николовски. Опозицијата го праша вицепремиерот и за тоа, како што рекоа, како братот на Николовски добива тендери“.

Николовски: Контрола на функционерите, се брои и секоја чаша вода

„Продолжувате со лаги дека добивала државни тендери. Таа фирма нема добиено ниту еден денар на државен тендер, на ниту една постапка од државна фирма или слично“, одговори Николовски, кој сите овие обвинувања ги нарече „лага“.