Ковид-19 во Македонија: Зголемен бројот и на починати и на заразени
![Ковид-19 во Македонија: Зголемен бројот и на починати и на заразени](https://gdb.rferl.org/c4fe4e34-6041-4a52-b552-8551f9ed841b_cx0_cy42_cw0_w800_h450.jpg)
Институтот за јавно здравје (ИЈЗ) денеска информираше дека во периодот од 15 до 21 февруари 2021, тестирани се вкупно 15.849 материјали во лабораториите во кои се спроведува молекуларно тестирање и антигенско тестирање за присуство на САРС-ЦоВ-2, што помалку за 2,8% во однос на минатата недела. Регистрирани се 2.320 нови позитивни случаи од 33 градови во државата со зголемување од 3,9 отсто во однос на минатата недела.
„Најголем дел од регистрираните случаи се од Скопје, а највисока неделна инциденца е регистрирана во Неготино и Кавадарци. Процентот на позитивност се движи од 11,8 до 16,3%, просечно 14,7%, на исто ниво како минатата недела“, соопшти ИЈЗ.
Прерано опуштање - се зголемува бројот на заразени од Ковид 19
Регистрирани се заболени лица во сите возрасни групи, а најзастапена е возрасната група на лица на возраст над 60 години. Голем број на заболени се регистрирани и кај возрасните групи од 30-39, 40-49, 50-59 и 20-29 години. Најмал број е регистриран кај децата од 0-9.
Филипче: Можни се нови рестрикции, но засега нема да има
„По добиени 2 негативни теста за присуство на САРС-ЦоВ-2 или со употреба на новиот алгоритам, со статус „оздравени“ се стекнале 1.760 лица кои биле хоспитализирани или на домашно лекување, 30,1% помалку во споредба со минатата недела. Пријавени се 70 смртни случаи од 13 градови, со зголемување од 62,8% во однос на минатата недела. Во однос на возраста, 65 лица биле над 60 години, и 5 лица на возраст од 50-59 години“, инфомираше ИЈЗ.