Шефот на канцеларијата за меѓународна политика на претседателот на Република Полска, Кшиштоф Шчерски најави дека денеска во Полска ќе престојува претседателот на Украина Володимир Зеленски ќе ја посети Варшава за да присуствува на прославата на 230-годишнината од усвојувањето на Уставот и да се сретне со полскиот претседател Анджеј Дуда. За возврат, полскиот лидер ќе ја посети Украина во август за време на прославата на 30-годишнината од независноста на Украина. Шчерски исто така истакна дека според украинската страна повлекувањето на руските трупи најавено од Москва има само карактер на изолирани трансфери во постојани бази.
Русија за два дена издала половина милион пасоши во источна Украина
„Опремата и борбените способности останаа. Имаме работа со умерен степен на повлекување на војската. Украинската страна ја смета оваа ситуација како пауза во напната ситуација“, рече Шчерски. Тој исто така рече дека Варшава разгледува различни сценарија за зголемување на улогата на ОБСЕ во стабилизирање на ситуацијата во источна Украина. Покрај тоа, Шчерски истакна дека Полска ќе ги убеди своите партнери во НАТО и ЕУ да ги прошират односите со Украина.
