ЕУ го повика рускиот амбасадор во Брисел по рестрикциите на Москва
„Рускиот амбасадор е повикан, тој треба да биде примен во попладневните часови од генералниот секретар на Европската комисија и на Европската служба за надворешни работи, каде што ќе му пренесеме силна осуда и приговор“, кажа портпаролот за надворешна политика на ЕУ Питер Стано на денешниот брифинг со новинари.
Минатата недела Министерството за надворешни работи на Русија забрани влез за осум претставници на ЕУ, вклучувајќи ја и Вера Јурова, потпретседател за вредности и транспарентност во Европската комисија, Давид Сасоли, претседател на Европскиот парламент, и Жак Маир, член на француската делегација на Парламентарното собрание на Советот на Европа.
Москва соопшти дека овој потег е одговор на санкциите воведени за руските граѓани од блокот.
Амбасадата на САД во Москва со намалени конзуларни активности поради руските рестрикции
ЕУ минатиот месец воведе санкции за двајца Руси обвинети за прогон на геј и лезбејки во јужниот руски регион Чеченија.
ЕУ, исто така, воведе санкции за четворица високи руски официјални лица блиски до претседателот Владимир Путин.
Руското Министерство за надворешни работи ја обвини ЕУ дека поттикнува антируска „хистерија“.