Бројот на починати од ковид-19 во Македонија надмина 5000

Со новопријавените 24 починати како последица на ковид-19, бројот на починати во земјава од оваа болест се искачи на 5016 лица. Најмладиот починат имал 32, а највозрасниот 87 години.

Вакцинацијата во Скопје се одвива без проблеми

Во изминатото деноноќие се регистрирани 323 нови случаи на коронавирус од направени 2.928 тестирања, соопшти Министерството за здравство. Најмногу нови случаи има во Скопје - 96, во Куманово 35, Прилеп 20, Струмица 17, Битола 16, Кочани 13, Велес 12, Тетово и Гостивар по 11, Охрид и Кичево по 10, Кавадарци и Неготино по 8, Штип и Радовиш по 7, Ресен 6, Свети Николе и Виница по 5, Делчево 4, Струга, Берово и Крушево по 3, Крива Паланка, Пробиштип, Демир Хисар и Кратово по 2, и Гевгелија, Валандово, Богданци, Пехчево и Македонска Каменица по еден нови случај.

Регистрирани се 714 оздравени пациенти.

Вкупната бројка на ковид-дијагностицирани лица во нашата земја од почетокот на епидемијата изнесува 153.137, бројката на оздравени пациенти е 135.367, на починати е 5.016, а бројот на активни случаи изнесува 12.754.